VOV4.Êđê- Ngă tui si knơ̆ng kiă kriê kahan răng mgang knông lăn kčĕ kơ klei hyua kjăp bruă mdrơ̆ng hŏng klei ruă tưp hlăm knông lăn Yŭ Dhŭng, leh êgao, bruă Đảng, knơ̆ng bruă kiă kriê kahan răng mgang knông lăn Ninh Bình mkŏ mjing jao bruă kơ 40 čô knuă druh lĭng kahan, khua kahan thơ̆ng kơ bruă nao đru bruă kahan răng mgang knông lăn Long An kñăm đru bi răng mgang knông lăn, lehanăn mdrơ̆ng hŏng klei ruă tưp Covid 19. Blŭ gĭt gai ti anôk ngă bruă anei Thiếu tướng Lê Quang Đạo k’iăng khua knơ̆ng kiă kriê kahan răng mgang knông lăn mtă leh kơ knơ̆ng bruă kahan răng mgang knông lăn čar Ninh Bình mâo nanao klei bi mguôp hŏng dŭm gưl bruă Đảng, knơ̆ng khua kiă kriê, dŭm êpul êya kahan răng mgang knông lăn, kiă kriê kjăp klei mĭn, hnơ̆ng kjăp bruă lĭng kahan, knuă druh đru kơ bruă nah tluôn kơ lĭng kahan, anôk mâo bruă mdrơ̆ng hŏng klei ruă tưp bi hơĭt ai tiê, ngă jăk bruă mâo jao./.

Pô mblang: Y-Khem Niê