VOV4.Êđê- Kñăm pral gang mkhư̆ klei ruă Covid-19, hruê 26-4, Êpul mă bruă mơ̆ng Anôk bruă ksiêm dlăng klei ruă tưp Lăn Dap Kngư nao čhưn leh anăn mă bruă hŏng dŭm kđông răng mgang knông lăn kơ hdră gang mkhư̆ klei ruă Covid-19 ti wăl knông lăn kdriêk Ea Sup, čar Dak Lak. Kdriêk Ea Sup mâo hlăm brô 27 km êlan knông lăn bi knông hŏng ala čar  Campuchia, ti nei mâo 4 kđông kahan răng mgang knông lăn dôk ngă bruă ksiêm dlăng, răng mgang ktuê knông lăn.

Ksiêm dlăng bruă gang mkhư̆ klei ruă tưp ti kđông kahan răng mgang knông lăn 739

Nao dlăng leh anăn mă bruă hŏng dŭm kđông răng mgang knông lăn ti Ea Sup, Viên Chinh Chiến, Khua Anôk bruă ktuê dlăng klei ruă tưp Lăn Dap Kngư bi mni kơ bruă mkŏ mjing gĭt gai pŏk ngă bruă gang mkhư̆ klei ruă Covid-19 mơ̆ng phung knuă druh, lĭng kahan răng mgang knông lăn.

Ksiêm dlăng bruă gang mkhư̆ klei ruă tưp ti kđông kahan răng mgang knông lăn Ia Rve

Ñu lač, klei ruă tưp Covid-19 hlăk mâo klei dleh ktuê dlăng hlăm kluôm rŏng lăn, năng mđing jing tĭng kơ Campuchia, ala čar mâo êlan knông lăn mbĭt hŏng Việt Nam, êpul mdrơ̆ng hŏng klei ruă tưp ti alŭ wăl brei bi hgŭm tliêr kjăp, mđĭ klei thâo răng, kñăm hmao gang mkhư̆ phung  mŭt hlăm čar soh hŏng hdră bhiăn.

Pô mblang: H’Zawut Ƀuôn Yă