VOV4.Êđê -  Hruê 25/3, K’iăng khua knŭk kna Trịnh Đình Dũng bi mklă leh Hdră mtrŭn duh bi liê mkŏ mkra Kdrŭn mjưh Liên Chiểu, ƀuôn prŏng Đà Nẵng – dŭm anôk bruă nah gŭ yua mbĭt. Anei jing Hdră bruă Êpul A, duh bi liê mŏng knŭk kna hŏng ênoh duh jih jang truh 3.426 êklai prăk, mâo Anôk bruă sang čư̆ êa ƀuôn prŏng Đà Nẵng jing anôk bruă phŭn. Hluê si klei bi mklă anei, Khua knŭk kna jao kơ Anôk bruă sang čư̆ êa ƀuôn prŏng Đà Nẵng tŭ đua klam klei djŏ klă hlăm bruă anei lehanăn hưn mthâo kơ hdră hluê ngă, gĭt gai čih mkra hră ksiêm dlăng hdră bruă, ba mdah kơ anôk bruă mâo klei dưi bi mklă duh bi liê Hdră bruă anei djŏ si klei kčh mtrŭn mŏng hdră bhiăn. Snăn, leh êbeh 3 thŭn gĭr čih mkra hdră kčah hluê ngă bruă kơ dŭm gưl, truh ară anei, Hdră mkŏ mkra kdrŭn mjưh Liên Chiểu, ƀuôn prŏng Đà Nẵng – kdrêč dŭm anôk bruă nah gŭ yua mbĭt. Klă klơ̆ng dưi bi mklă brei duh bi liê./.

H Nêč pô mblang