VOV4.Êđê -  Tlam hruê 25-3, ti Anôk bruă knŭk kna, Khua Knŭk kna Nguyễn Xuân Phúc gĭt gai leh klei bi tuôm ksiêm sĭt wưng păn bruă Knŭk kna 2016-2021. Blŭ hrăm hlăm mmông bi tuôm, Khua Knŭk kna Nguyễn Xuân Phúc mñă klă, 5 thŭn êgao jing wưng bŏ hŏng klei yuôm bhăn, jing dŭm thŭn mlan năng hdơr hŏng Khua Knŭk kna leh anăn lu phung mă bruă hlăm knŭk kna. Knŭk kna bi tŭ ư, hrăm mbĭt sa ai tiê hgao klei lông dlăng. Phung hlăm Knŭk kna ktưn hưn ngă bruă jih ai tiê kơ lăn čar, yang ƀuôn. Bi êdah klei mgei ai tiê ti anăp ai tiê hrăm mbĭt amâo mâo ôh sa čô hlăm Knŭk kna amâo gĭr ktưn bi gui klei ktrŏ hlăm 5 thŭn êgao, Khua Knŭk kna mni lač jăk kơ phung hlăm Knŭk kna, dŭm anôk bruă hlăm Knŭk kna hrăm mbĭt, nao ai hŏng Khua Knŭk kna bi leh bruă klam Đảng, knŭk kna jao. Khua Knŭk kna čang hmăng phung hlăm Knŭk kna, khă gơ̆ wưng kơ anăp ya bruă ngă amâo dah mdei jih thŭn mă bruă, ăt lŏ dơ̆ng mđĭ lar ai tiê cách mạng, đru mguôp kơ Đảng, kơ mnuih ƀuôn sang, kơ lăn čar, đru ba ala čar Việt Nam mdrŏng sah.

H Zawut pô mblang