VOV4.Êđê -  Aguah hruê 26/3, ti ƀuôn prŏng Kon Tum, bruă Đoàn êdam êra CS Hồ Chí Minh čar Kon Tum mkŏ mjing leh Knăm bi hdơr 90 thŭn Hruê mkŏ mjing bruă Đoàn êdam êra CS Hồ Chí Minh mguôp hŏng knăm bi hdơr 70 thŭn Hruê Awa Hô mđup brei klei duê kơ phung êdam êra ba anăp lehanăn bi mni kơ dŭm êpul êya, mnuih êdah kdlưn hlăm thŭn 2021.

Ti knăm anei, phung bi ala mbĭt hŏng êbeh 400 čô đoàn viên, êdam êra Kon Tum lŏ hdơr wĭt leh kơ knhuah gru kdrưh k’ăm 90 thŭn mkŏ mkra lehanăn đĭ jing mơ̆ng anôk bruă Đoàn êdam êra CS Hồ Chí Minh, bi mni 14 čô mda asei êdah kdlưn, 90 Chi đoàn kjăp ktang.

Ƀri gưl anei, 11 êpul êya êdah kdlưn hlăm hdră bruă Đoàn lehanăn hdră bruă êdam êra mơ̆ng čar Kon Tum wưng thŭn 2016- 2020 mâo mă leh Hră pah mni mơ̆ng anôk bruă Đoàn gưl dlông, 10 čô mnuih mâo mă klei pah mni Kyua ênuk gưl hđeh, 2 čô mâo mă klei pah mni phung êdam êra ba anăp hđăp./.

H Nêč pô mblang