VOV4.Êđê -  K’iăng Khua knơ̆ng bruă sang čư̆ êa čar Kon Tum Y Ngọc mă leh bruă hŏng khau gĭt gai kdriêk Kon Plông leh anăn să Măng Cành kơ phung djŏ mnơ̆ng ruă ti să Măng Cành. Hlăm mmông mă bruă, Knơ̆ng bruă mdrao mgŭn brei thâo mă leh mta ksiêm mkă mơĭt kơ anôk bruă djŏ tuôm ksiêm mkă duah mta phŭn, bŏ hgŭm hŏng alŭ wăl iêu jak mnuih ƀuôn sang ba čuh dơr mnơ̆ng ƀơ̆ng đing mâo klei ruă. Hŏng phung ruă, bruă mdrao mgŭn bi mklă đing djŏ mta bruă Clostridium botulinum leh anăn hlăk dưi dôk mdrao kơ phung ruă. K’iăng Khua Knơ̆ng bruă sang čư êa čar gĭt gai leh kdriêk Kon Plông mđing hâo hưn lar ƀar kơ mnuih ƀuôn sang thâo săng kơ boh klei mnuih ruă jing djŏ ƀơ̆ng mnơ̆ng ruă, amâo hmaĭ kơ klei iêu jak phung tuê hiu čhưn mơ̆ng kdriêk mbĭt anăn mtă kơ bruă mdrao mgŭn mjêč ksiêm dlăng, bi mklă phŭn agha ba klei ruă, mprăp hdră msir čiăng mdrơ̆ng hŏng klei mâo tơdah lu mnuih djŏ klei ruă, mguôp hŏng bruă pŏk ngă dŭm hdră msir rơ̆ng klei êđăp ênang doh êƀăt mnơ̆ng ƀơ̆ng hlăm gưl ruah khua anăp truh.

H Zawut pô mblang