VOV4.Êđê - Klei hưn mơ̆ng Anôk bruă sang čư̆ êa kdriêk Ia Hdrai brei thâo, gưl hjan prŏng, angĭn ktang mbĭt hŏng grăm kmlă mrâo anei ngă leh klei luič liê kjham ti alŭ wăl anei. Klei ksiêm yap tal êlâo brei thâo, gưl adiê hjan, angĭn ktang ngă leh 6 boh sang kpŏk čuôr, êbeh 2.600 phŭn ana ksu joh, đăo tĭng klei luič liê êbeh 1,2 êklai prăk. Adiê hjan, grăp kmlă ngă joh, êbuh 4 gơ̆ng pui, tloh klei giăm 20 anôk ngă luič pui kmlă ti 86 anôk mđĭ trŭn pui klmlă ngă kluôm kdriêk Ia Hdrai amâo mâo pui kmlă.

Anôk bruă pui kmlă Kon Tum ba leh mnuih ngă bruă nao msir mghaih anôk jhat pral lŏ mkăp pui kmlă kơ êbeh 1 êbâo gŏ êsei. Anôk bruă sang čư̆ êa kdriêk Ia Hdrai ăt ba nao leh êpul nao huai mdoh ana kyâo êbuh rơ̆ng klei êđăp ênang êlan klông, đru kơ mnuih ƀuôn sang msir mghaih klei luič liê, ksiêm dlăng dŭm anôk bruă nah gŭ mkăp kơ hdră ruah khua, bi hgŭm hŏng dŭm anôk bruă, êpul êya, anôk bruă duh mkra ksiêm dlăng klei luič liê kyua adiê hjan, angĭn lehanăn grăm, kmlă ngă./.

H Nêč pô mblang