VOV4.Êđê -  Hruê 5/4, Knơ̆ng bruă Kreh knhâo lehanăn kdrăp mrâo čar Kon Tum klă klơ̆ng mâo klei hưn mthâo kơ bruă mkăp hră tŭ yap klei dưi ba yua, ktrâo lač krĭng pla “Ngọc Linh’’ lehanăn hưn mdah Tem ktrâo krĭng pla dŭm mta sâm hruê̆ “Ngọc Linh”.

Hluê anăn, dŭm êpul êya, mnuih pla mjing, čhĭ sâm Ngọc Linh hlăm krĭng ktrâo lač anôk pla Ngọc Linh mâo dŭm să: Đăk Na, Măng Ri, Ngọc Lây, Ngọc Yêu, Văn Xuôi, Tê Xăng mơ̆ng kdriêk Tu Mơ Rông lehanăn Mường Hoong, Ngọc Linh, Xốp mơ̆ng kdriêk Đăk Glei mâo klei čiăng ba yua Hdră ktrâo lač krĭng pla sâm Ngọc Linh mjêč ngă hră m'ar ba m’ĭt kơ Knơ̆ng bruă Kreh knhâo lehanăn kdrăp mrâo čar Kon Tum êlâo kơ hruê 17/4/2021 čiăng ksiêm bi mklă lehanăn mkăp hră dưi ba yua klei ktrâo lač krĭng lăn pla dŭm mta sâm hruê̆ Ngọc Linh. Bruă mkăp hră tŭ yap klei dưi ba yua, ktrâo lač krĭng pla “Ngọc Linh’’ lehanăn Tem ktrâo krĭng pla dŭm mta sâm hruê̆ “Ngọc Linh” srăng dưi ngă leh hlăm mlan 4 anei./.

H’Nêč pô mblang