VOV4.Êđê- Hlăm 2 hruê, hruê 26 lehanăn 27/4, ti ƀuôn prŏng Kon Tum, Êpul hgŭm phung mniê čar Kon Tum mkŏ mjing leh Knăm mjuăt bi hriăm mprăp klei thâo kơ phung mniê gưl tal êlâo nao mgơ̆ng ruah ngă pô bi ala HĐND dŭm gưl wưng thŭn 2021- 2026.  Nao ti knăm anei, giăm 200 čô mniê gưl tal êlâo nao mgơ̆ng ruah ngă pô bi ala HĐND dŭm gưl mơ̆ng čar Kon Tum, wưng thŭn 2021 – 2026 dưi mprăp klei thâo kơ bruă Quốc hội lehanăn HĐND, thâo săng klei kčah mtrŭn kơ hdră ruah khua, bruă klam mơ̆ng Êpul hgŭm phung mniê dŭm gưl hlăm hdră ruah pô bi ala Quốc hội lehanăn HĐND, dưi bi tuôm hŏng phung mă bruă klei mrâo, mjuăt bi hriăm klei thâo hlak mblang, wĭt lač klei êmuh mơ̆ng mnuih ƀuôn sang.

Êngao anăn, phung mniê gưl tal êlâo nao mgơ̆ng ruah ngă pô bi ala HĐND dŭm gưl mơ̆ng čar, lŏ mâo lu phung bi ala Quốc hội, HĐND čar dŭm gưl kah mbha klei thâo hlăm bruă mđing hmư̆ klei mĭn čiăng mơ̆ng mnuih ƀuôn sang ti dŭm klei bi kƀĭn./.

                                                    Pô mblang: H’Nêč Êñuôl