VOV4.Êđê- Čar Kon Tum mâo 6 să dôk hlăm klei dleh dlan, hlăm anăn mâo 3 să knông lăn lehanăn 6 kđông kahan ktuê knông lăn hŏng ala čar Lào ti dua kdriêk Dak Gleh, Ngọc Hồi dưi mâo klei tŭ ư mơ̆ng êpul ruah khua ala čar kơ bruă ruah khua hnưm sa hruê jing hruê anei 22/5.

Anôk mplĕ hră mrô 2 alŭ Đăk Nớ, să Đăk Nhong, kdriêk Đăk Glei êlâo kơ hruê ruah khua hnưm

Hlăm hruê ruah khua hnưm 22/5, 6 să dôk mâo klei dleh dlan mâo 36 anôk ruah khua hŏng êbeh 10.000 čô mplĕ hră.

Mprăp hră ktrâo lač phung bi ala kơ mnuih ƀuôn sang gang mkhư̆ klei ruă Covid-19

Hlăm dŭm anôk mplĕ hră ti čar Kon Tum, mbĭt hŏng bruă rơ̆ng kơ mnơ̆ng dhơ̆ng yua kơ bruă ruah khua, bruă sang čư̆ êa lehanăn dŭm anôk bruă djŏ tuôm hlăm alŭ wăl ăt ngă jăk bruă gang mkhư̆ klei ruă tưp Covid-19, êlâo kơ bruă ruah khua, dŭm čô knuă druh, phung mă bruă mdrao mgŭn ngă leh bruă krih êa drao mdjiê kman, mprăp čhiăm guôm ƀô̆ lehanăn adŭ bi ktlah tơdah hmao ƀuh dŭm čô mnuih êngoh hlơr, mtŭk lehanăn dleh bi êwa êjai mmông nao ruah khua.

Pô mblang: Y-Khem Niê