VOV4.Êđê- Ƀri hlăm wưng bi hdơr 41 thŭn hruê mnuih êwiên êwu Việt Nam 18/4, aguah 15/4 ti ƀuôn prŏng Kon Tum, êpul hgŭm răng mgang klei dưi phung hđeh leh anăn đru kơ mnuih êwiên čar Kon Tum mkŏ mjing leh knăm pah mni kơ dŭm čô mnuih êwiên mâo klei hdĭp thâo gĭr hrăm mbĭt hŏng yang ƀuôn leh anăn phung thâo bi đru mâo klei đru kdlưn hĭn tal IV thŭn 2021. Hlăm knăm anăn mâo 100 čô mnuih êwiên mâo klei kdlưn hĭn hlăm bruă hriăm hră mơar, mkra mjing, đru kơ phung găp msĕ hŏng pô dưi mâo klei pah mni, mđup brei hră pah mni leh anăn brei mnơ̆ng dhơ̆ng. anei jing dŭm čô mnuih mâo gru bi hmô hlăm ênoh 6.200 mnuih êwiên ti čar Kon Tum. Čar Kon Tum mâo leh lu klei gĭr đru kơ mnuih êwiên dưi mdul dŭm klei dleh dlan hlăm klei hdĭp leh anăn amâo klei gĭr hlăm klei hdĭp. Ƀri wưng anei, bruă sang čư̆ êa čar Kon Tum dưi mđup hră pah mni kơ sa êpul leh anăn sa čô mâo bruă ngă kdlưn hĭn hlăm  klei hdĭp mda ala ƀuôn. Êpul răng mgang klei dưi kơ phung hđeh leh anăn đru kơ mnui êwiên mđup brei hră bi mni kơ 18 čô mnuih mâo klei thâo gĭr ñŭ kma hŏng yang ƀuôn.

Pô mblang: Y-Khem Niê