VOV4.Êđê - Ti anăp klei dleh ktuê dlăng mơ̆ng klei ruă Covid-19, mơ̆ng hruê 1905, Knơ̆ng bruă sang čư̆ êa čar Kon Tum mphŭn brei hđeh sang hră, sinh viên mdei nao hriăm ti sang hră čiăng gang mkhư̆ klei ruă tưp. Mbĭt hŏng anăn, Knơ̆ng bruă sang čư̆ êa čar Kon Tum ăt jao kơ Knơ̆ng bruă sang hră mtô bi hriăm ktrâo lač dŭm sang hră pŏk ngă mtô bi hriăm trực tuyến, hriăm ti sang, ktrâo lač klei ksiêm wĭt thŭn hriăm 2020-2021 djŏ guôp hlăm boh klei ruă tưp.

Mkŏ mjing mtô leh anăn hriăm bi lông hriăm jih gưl 3 ala čar hŏng phung hđeh adŭ 12 tŭ dưn, rơ̆ng dŭm klei êđăp ênang čiăng pŏk ngă klei bi lông hluê si klei ktrâo lač mơ̆ng Phŭn bruă sang hră mtô bi hriăm. Knơ̆ng bruă sang čư̆ êa dŭm kdriêk, ƀuôn prŏng hyuă kjăp bruă kriê dlăng hđeh sang hră, sinh viên dŭm gưl ti alŭ wăl, rơ̆ng dŭm klei găl êđăp ênang čiăng pŏk ngă klei bi lông hriăm jih gưl 3 thŭn 2021 hluê si klei ktrâo lač, pŏk ngă bi jăk dŭm hdră gang mkhư̆ klei ruă Covid-19 hluê si klei gĭt gai, ktrâo lač mbĭt.

H Zawut pô mblang