VOV4.Êđê - Anôk bruă đăo knăl klei mgei lăn lehanăn tĭng mkă klei êa ksĭ ktlư̆, hlăm knơ̆ng bruă ksiêm duah kơ boh lăn, hlăm anôk bruă kreh knhâo Việt Nam brei thâo, hlăk 3h 18 mnĭt aguah hrue 5/5 mbrue mâo sa klei mgei lăn ti hnơ̆ng 2.6 độ rič ter ti alŭ wăl kdriêk Kon Plong, čar kontum. Amâo mâo truh tơl kơ klei jŭ jhat ôh. Ăt tui si anôk bruă anei hưn, hlăm dŭm hrue êgao, ti čar kontum mâo jêñ jêñ klei mgei lăn. Msĕ si, hlăm hrue 4/5, hŏng boh ktang ti hnơ̆ng 3.0 độ rič ter hlăm kdriêk Kon Plong. Bi êlâo anăn hrue 2/5, ăt hlăm kdriêk anei mơh mâo dua gưl mgei. Hrue 1/5 dua gưl mơh, snăn knŏng yap hlăm dŭm hrue akŏ mlan 5 anei mâo leh truh 6 gưl mgei lăn ti Kontum. Anôk bruă đăo knăl anei hlăk lŏ dơ̆ng ksiêm dlăng klei mgei lăn anei./.

Y Khem pô mblang