VOV4.Êđê- Aguah mbrue (16/4) ti ƀuôn prŏng Kontum, Knơ̆ng bruă mặt trận čar Kontum mkŏ mjing leh klei bi kƀĭn tal 3 kơ klei ruah khua čiăng bi klă kơ ênoh phung mgơ̆ng ruah djăp ênoh čuăn mgơ̆ng jing pô bi ala Quốc hội gưl 15, lehanăn phung bi ala HĐND wưng păn bruă 2021 – 2026. Ti anôk bi kƀĭn anei, phung bi ala hmư̆ leh klei hâo mdah mơ̆ng Êpul khua kiă kriê bruă mặt trận čar kontum hưn kơ boh tŭ dưn mkŏ mjing bruă mă klei blŭ, klei đăo knang mơ̆ng phung ƀuôn sang ti anôk phung mgơ̆ng ruah dôk, hŏng 10 čô pô mgơ̆ng ruah bi ala Quốc hội gưl 15, lehanăn 85 čô pô mgơ̆ng ruah pô bi ala HĐND čar, wưng păn bruă 2021 – 2026.

Phung bi ala nao ti anôk bi trông tal 3 kơ klei ruah khua bi tŭ ư leh kơ klei 2 čô akâo kdŭn amâo lŏ mgơ̆ng ruah pô bi ala Quốc hội gưl 15. Bi tŭ ư kơ 8 čô djăp ênoh čuăn mgơ̆ng ruah pô bi ala Quốc hội gưl 15, lehanăn 85 čô mgơ̆ng ruah HĐND čar wưng păn bruă 2021 – 2026./.

Pô mblang: Y-Khem Niê