VOV4.Êđê - Bi hdor 90 thŭn Hruê mkŏ mjing bruă Đoàn êdam êra Cộng sản Hồ Chí Minh, dŭm hruê êgao, ti kdriêk dleh dlan Mdrak, čar Dak Lak mkŏ mjing leh lu bruă êdam êra êdah kdlưn kyua klei hdĭp êpul êya. Anei knŏng jing sa hlăm dŭm pluh hdră bruă kyua klei hdĭp êpul êya mâo êpul êdam êra ti kdriêk Mdrak hluê ngă hlăm 1 mlan êgao.

Ayŏng Nông Anh Dũng, khua bruă Đoàn kdriêk Mdrak brei thâo, mbĭt hŏng lu bruă kih mdoh wăl hdĭp mda, luôm mtah mda krĭng lăn huâng, phung êdam êra alŭ wăl kƀĭn hlăm dŭm bruă klam phŭn msĕ si: Đru kơ mnuih ƀuôn sang krĭng ênao êa Akŏ krông Pač ti să Čŭ San mbĕ nao kơ anôk dôk êđăp ênang mrâo. mkŏ mjing wăl anôk hlăp lêñ kơ phung hđeh, mkra kban găn êrô. Dŭm mta bruă phŭn mđing truh kơ krĭng taih kbưi, krĭng mnuih djuê ƀiă. Y Dhun Mlô, mnuih ƀuôn sang ti ƀuôn Pa, să Čư̆ Prao, kdriêk Mdrak hŏk kdŏk kyua êpul êdam êra hluê ngă leh bruă “Guh mngač êlan klông krĭng ƀuôn sang’’.

“Mnuih ƀuôn sang ƀuôn Pa m’ak êdi hlăk mâo êpul êdam êra mkŏ dưm kdrăp pui kmlă mtrang mngač krĭng ƀuôn sang, mjing klei găl kơ mnuih ƀuôn sang êrô êbat adiê mmăt mlam lehanăn rŏng klei êđăp êñag ala ƀuôn

H Nêč pô mblang