VOV4.Êđê- Aguah hruê 15/4, Êpul ngă bruă mơ̆ng Dhar bruă ruah khua ala čar mâo Thượng tướng Võ Trọng Việt, Khua dhar bruă răng mgang klei êđăp ênang, K’iăng khua êpul bruă răng mgang klei êđăp ênang ala ƀuôn lehanăn bruă mdrao mgŭn ngă khua êpul mâo leh mmông mă bruă hŏng Dhar bruă ruah khua čar Dak Lak kơ bruă rơ̆ng kjăp klei êđăp ênang yang ƀuôn lehanăn bruă mdrao mgŭn hlăm gưl ruah khua ti alŭ wăl.

Hdră rơ̆ng kjăp klei êđăp ênang ala ƀuôn lehanăn bruă mdrao mgŭn ti alŭ wăl dưi rơ̆ng kjăp klei êđăp ênang, ka bluh mâo ôh boh klei dleh ksiêm dlăng lehanăn ka mâo klei arưp truh kơ bruă răng mgang klei êđăp ênang hlăm gưl ruah khua. Ti anôk mă bruă, thượng tướng Võ Trọng Việt bi mni kơ hdră bruă rơ̆ng kjăp klei êđăp ênang ala ƀuôn lehanăn bruă mdrao mgŭn mơ̆ng čar Dak Lak, mbĭt anăn mtă kơ čar mđing dlăng hĭn kơ hdră ksiêm dlăng kjăp krĭng knông lăn čiăng đăm lui bluh mâo boh klei mjêč./.

                                                    Pô mblang: H’Nêč Êñuôl