VOV4.Êđê- Aguah hruê 28-4, ti Hà Nội, Anôk dlăng bruă knuă Gưl dlông mkŏ mjing Klei bi klƀĭn kluôm ala ksiêm dlăng Hdră mtrŭn Klei bi kƀĭn 13 mơ̆ng Đảng kơ bruă knuă, hdră gang mkhư̆ klei ƀơ̆ng ngăn leh anăn mkra mlih hdră bhiăn leh anăn pŏk ngă klei bi lông thơ̆ng kơ bruă knuă Đảng wưng thŭn 2021-2025. Mơ̆ng tur knơ̆ng dŭm mta phŭn klă klơ̆ng hlăm Hră mơar, Klei bi kƀĭn bi mklă hdră msir phŭn bruă knuă, hdră gang mkhư̆ klei ƀơ̆ng ngăn, mkra mlih hdră bhiăn dưi lač hlăm hră mơar Klei bi kƀĭn tal 13 mơ̆ng Đảng. Blŭ hrăm ti Anôk bi kƀĭn, Phan Đình Trạc- Khua Anôk dlăng bruă knuă Gưl dlông lač klă: Hŏng 7 êpul bruă klam, hdră msir, hdră ngă bruă mơ̆ng   Anôk dlăng bruă Đảng hluê ngă Hdră mtrŭn Klei bi kƀĭn tal 12 mơ̆ng Đảng ktuê dlăng, bi klă klơ̆ng dŭm klei mĭn, hdră kñăm, hdră êlan, bruă klam mơ̆ng Hdră mtrŭn Klei bi kƀĭn tal 13 kơ bruă knuă, gang mkhư̆ klei ƀơ̆ng ngăn leh anăn mkra mlih hdră bhiăn. Hlăm anôk bi kƀĭn, Anôk dlăng bruă knuă gưl dlông pŏk ngă klei bi lông ktưn hŏng akŏ: “Thâo ƀuh leh anăn kčĕ kơ gưl bruă đảng gĭt gai msir mgaih dŭm bruă ngă, klei ƀơ̆ng ngăn, gĭt gĭt gai kčĕ, msir mgaih dŭm bruă dleh ktuê dlăng, êdah kdlưn kơ klei êđăp ênang hlăm alŭ wăl.

Pô mblang: H’Zawut Ƀuôn Yă