VOV4.Êđê - Tlam 19-3, K’iăng Khua Quốc hội Phùng Quốc Hiển,  Khua hlăm êpul hgŭm ruah khua ala čar mbĭt hŏng êpul mă bruă hŏng čar Quảng Trị kơ bruă ruah khua Quốc hội gưl XV leh anăn phung bi ala HĐND dŭm gưl wưng thŭn 2021-2026. Truh ară anei, Knơ̆ng bruă sang čư̆ êa čar Quảng Trị mkŏ mjing leh 2 êpul ruah khua Quốc hội gưl XV leh anăn 16 Anôk ruah khua phung bi ala HĐND čar wưng thŭn 2021-2026, mkŏ mjing 74 êpul ruah khua bi ala HĐND gưl kdriêk leh năn 834 anôk ruah khua bi ala HĐND gưl să. Bruă bi trông, hưn mthâo pô mgơ̆ng asei dưi hluê ngă djŏ hdră kčah, djŏ klei čiăng leh anăn rơ̆ng djŏ tui si hdră bhiăn. Truh hlăm wưng anei, Dhar bruă mặt trận čar kwar Việt Nam čar Quảng Trị bi leh klei bi kƀĭn bi trông tal 1 bi tŭ ư anăn 9 čô mgơ̆ng asei phung bi ala Quốc hội gưl XV ti alŭ wăl, 90 čô mgơ̆ng asei phung bi ala HĐND čar gưl VIII, wưng thŭn 2021-2026. K’iăng Khua Quốc hội Phùng Quốc Hiển mtă kơ čar Quảng Trị mkŏ mjing hdră kčah tal êlâo phung mgơ̆ng asei rơ̆ng ênoh êbeh. Mkŏ mjing hdră hmao msir mgaih dŭm klei huĭ dah mâo msĕ si yan adiê ngă, klei ruă Covid-19 ... mơ̆ng ară anei truh hruê ruah khua.

H’Zawut pô mblang