VOV4.Êđê- Êpul kiă kriê bruă ksiêm yap bruă duh mkra čar Lâm Đồng mkŏ mjing leh klei bi kƀĭn kơ bruă čiăng ksiêm yap klei duh mkra lehanăn klei ngă bruă hlăm thŭn 2012. Tui si klei hâo mdah mơ̆ng knơ̆ng bruă ksiêm yap čar, yap truh mlan 4/2021, kluôm čar mâo yap leh truh 2158 hlăm ênoh jih jang 8659 phung duh mkra, djăp 33%. Bi hŏng êpul ngă bruă kluôm čar maoa yap leh 519/519 anôk bruă ngă hră mơar, djăp 100%. Snăn bruă ksiêm yap hlăm wưng leh êgao mâo ngă hŏng klei jăk, ênŭm, lehanăn djŏ hdră bhiăn. Siămdah mbĭt hŏng anăn, ăt adôk mâo lu klei awăt êdu hlăm bruă ksiêm yap ti dŭm alŭ wăl kyua êmưt, mâo dŭm hră ksiêm yap djŏ tuôm hŏng phung duh mkra, bruă knuă ngă adôk soh čhuai hlăm hdră ngă bruă. Wưng kơ anăp, Êpul kiă kriê bruă ksiêm yap srăng lŏ dơ̆ng mđĭ hĭn hnơ̆ng pral bruă ksiêm yap, mtrŭt mjhar jih jang djăp êpul êya ngă klei hâo hưn bi djŏ, bi ênŭm, kñăm đru bi leh bruă ksiêm yap klei duh mkra hlăm čar Lâm Đồng./.

Pô mblang: Y-Khem Niê