VOV4.Êđê- Hla\m wưng êgao, phung Đảng viên mnuih djuê ana K’ho ti sa\ kr^ng taih kbưi Sơn Điền, kdriêk Di Linh, ]ar Lâm Đồng ba ana\p leh hla\m brua\ po\k nga\ gru hmô pla mmao ]ia\ng mđ^ kyar brua\ duh mkra. Phu\n tal êlâo tuôm ho\ng klei dleh dlan, đa ta\p nă\ng kruh rai, [ia\dah phung Đảng viên anei g^r tui ksiêm, êmuh hria\m lehana\n ba w^t leh klei tu\ jing. Ho\ng ai tiê phung Đảng viên nao êlâo, [uôn sang hluê êdei, gru hmô pla mmao ti sa\ kr^ng taih kbưi Sơn Điền dôk mâo klei ]ang hma\ng mđ^ kyar.

Mnuih tal êlâo lông pla mmao êngoh ti sa\ kr^ng taih kbưi Sơn Điền, kdriêk Di Linh, ]ar Lâm Đồng jing K’Vit, Khua brua\ Đảng sa\ Sơn Điền. Mse\ si thu\n 2020, `u bi liê truh 70 êklăk prăk ]ia\ng pla mmao hlăm ênha\ truh 60m<sup>2</sup>, mko\ mkra đ^ng êa ]o\ng krih hjăn pruih bi dhul. Leh kơ ana\n `u blei 5 êbâo arua\t mjeh mmao ba pla K’Vit brei thâo Pla mmao êngoh kha\dah ênoh bi liê amâo mâo jăk lu ôh ho\ng du\m brua\ pla mjing mkăn, ai tiê ma\ brua\ kăn lu rei, [ia\dah mnuih pla bi tui ngă kjăp klei bhiăn dlăng kriê ngă sang guôm, anôk du\m arua\t mjeh mmao, mka t^ng mbha hnơ\ng mnga], lehana\n hnơ\ng h’uh hla\m sang pla mmao snăn kơh djo\ guôp ho\ng brua\ pla mmao. K’Vit la]: Phu\n tal êlâo ka thâo kjăp klei dlăng kriê, snăn tuôm ho\ng lu klei dleh dlan, [ia\dah leh sa wưng ma\ brua\, [ia\dah truh kơ ara\ anei dơ\ng mâo klei tu\ dưn leh, đru mđ^ ênoh mâo ba w^t kơ go\ sang. K’Vit, Khua brua\ Đảng sa\ Sơn Điền brei thâo anei jing brua\ mâo đảng viên ngă êlâo, [uh tu\ dưn srăng po\k mlar brua\ bi hmô kơ phung [uôn sang tui hriăm. Ara\ anei, mâo leh 5 ]ô knua\ druh, đảng viên hlăm sa\ ngă brua\ anei:

“Tal êlâo jing pioh ]h^ kơ mnuih hlăm alu\ wa\l blei yua. Kyuadah hlăm kr^ng taih kbưi, êlan klông dleh dlan, ka dưi ]ung ba mtô bi hriăm ôh klei rông kan hdang amâodah pla mmao. Anôk mnia mblei kbưi, klei ]h^ mnia dleh dlan. Klei anei ăt ]ang hmăng kơ gưl kdriêk, lehana\n du\m dhar brua\ djo\ tuôm đru kơ alu\ wa\l mâo anôk ]h^ jăk, mđ^ ai phung [uôn sang rông mnơ\ng, pla mjing dưi mđ^ ênoh mâo ba w^t hlăm wưng kơ ana\p”.

Mmao êngoh jing mnơ\ng hd^p hlăm djah bru\ hd^p kno\ng bhiâo, pla ênưih, amâo mâo dleh dlan klei kơ lăn ala ôh, lehana\n pral dưi lo\ tla hnô ênoh leh bi liê. Tui hlue ho\ng mdê bi mta arua\t mjeh mmao blei ba w^t, dưi dlăng kriê hlăm brô 10 hrue, dưi ]uh blang lehana\n dưi mâo [ơ\ng. Tui hlue mjeh, boh ktro\ arua\t mjeh mmao, lehana\n klei dlăng kriê, snăn mmao ana\n dưi dưi hrui pe\ lu blư\ mâo mơ\ng 300 – 500 gram mmao hlăm sa anu\ng hruh pla mmao. Anei jing mta mnơ\ng [ơ\ng doh, lehana\n jăk, mâo hnơ\ng tu\ jăk pro\ng lehana\n jing jăk snăk kơ klei suaih pral, kyua êjai hlăm brua\ dlăng kriê wiê ênăk amâo mâo yua hbâo pruê, amâo mâo yua êa drao hlua\t ôh, mơ\ng ana\n mơh jing jăk snăk kơ klei suaih pral anak mnuih.

Leh brua\ khua brua\ Đảng sa\ Sơn Điền lông pla mmao tu\ jing, go\ sang K’Hoa ti [uôn Bơ Nơm, dơ\ng tui hriăm mơh. Go\ sang `u duh bi liê truh 14 êklăk prăk pioh mdơ\ng sang pla mmao, blei truh 4 êbâo anu\ng arua\t mjeh mmao êngoh lehana\n mmao agha. Truh ara\ anei, anôk pla mmao go\ sang K’Hoa mâo pe\ leh mmao mơ\ng  2- 3 mlan, dưi mâo hlăm brô 900kg mmao pioh ]h^. Ho\ng ênoh ]h^ mơ\ng 40 truh 50 êbâo prăk/kg mmao, di`u dưi mâo ba w^t hlăm brô 36 êklăk prăk. K’Hoa la]: Phu\n tal êlâo ka jăk thâo hla\m klei dlăng kriê snăn tuôm ho\ng lu klei dleh dlan, mâo ba w^t amâo mâo lu ôh. Êđei anei, lo\ hriăm êjai, lehana\n ngă êjai, snăn raih thâo hlăm brua\ knua\. Lehana\n mnuih ]ia\ng [ơ\ng mmao jing lu, mơ\ng ana\n hơ^t mơh anôk mnia mblei. Hlăm wưng kơ ana\p srăng mtru\t phung [uôn sang hlăm sa\ tui pla mse\ mơh:

“Anei jing klei kâo ]ang hmăng êdi, pioh kơ klei hd^p mda mâo klei đ^ kyar h^n. Siămdah, hlăm klei pô ma\ brua\, brua\ dlăng kriê mmao ăt adôk tuôm ho\ng lu klei dleh dlan, kyuadah amâo mâo mnuih bi hriăm brei pô ôh. Dơ\ng mơ\ng anôk khăp pla mmao, snăn tui hriăm hlăm hla po\k internet, mơ\ng ana\n hriăm ngă dưi mâo ba w^t [ia\ [ia\ hlăm gra\p hrue”.

Gru hmô pla mmao ti să Sơn Điền

K’Ua#n, Khua brua\ mặt trận sa\ Sơn Điền, kdriêk Di Linh, ]ar Lâm Đồng brei thâo: Truh kơ ara\ anei hdra\ dlăng kriê wiê ênăk mmao dơ\ng kjăp leh mse\ si: Ruah hdra\ mdơ\ng sang pioh pla mmao bi mnga] ta], `e\ đue\ kơ ang^n thut. }ia\ng dưi mâo arua\t mjeh mmao jăk, dưi đuh luh hlăm kpu\ng mmao, mmao kbia\ siam snăn bi mđing kơ hnơ\ng h’uh hlăm sang mmao, hnơ\ng h’ăp, boh nik hlăm hdra\ krih êa. Êngao kơ brua\ dlăng kriê, hdra\ hrui pe\, ăt ngă bi jăk mơh, leh pe\ snăn bi mdoh phu\n arua\t mjeh. Mb^t ho\ng ana\n, brei thâo mđing kơ klei mnơ\ng ngă kơ mmao, tơdah [uh klei mnơ\ng ngă snăn mghaih msir ho\ng ]u\r, ]u\r pruê, amâodah êa ]u\r hlăm brua\ bi mdjiê kman, lehana\n lui he\ jih du\m anu\m arua\t mjeh mâo leh klei mnơ\ng ngă. Tơdah thâo dlăng kriê wiê ênăk jăk, ho\ng 5 êbâo anu\ng hruh arua\t mjeh mmao, srăng dưi mâo ba w^t truh 1,5 tôn mmao pioh ]h^, srăng dưi ba w^t hlăm brô 40 êklăk prăk leh kah he\ jih kơ ênoh bi liê.

Dơ\ng mơ\ng klei K’Vit khua brua\ Đảng sa\ ba êlan êlâo pla mjing mmao êngoh, hlăk lo\ bi lar pla lu hla\m phung knua\ druh, đảng viên, lehana\n phung [uôn sang sa\ kr^ng taih kbưi Sơn Điền, kdriêk Di Linh, ]ar Lâm Đồng. Brua\ anei amâo mâo djo\ kno\ng đru bi mlih mnơ\ng [ơ\ng hla\m grăp hrue ho\ng grăp go\ êsei mnuih djuê [ia\ tinei, [ia\dah lo\ dơ\ng mđ^ hnơ\ng hrui w^t kyua mâo ]h^ mnia. Gưl brua\ Đảng, brua\ sang ]ư\ êa alu\ wa\l ăt ]ang hmăng kơ du\m êpul brua\ djo\ tuôm mjing djăp klei găl pioh mđ^ kyar brua\ pla mjing mmao anei./.

Pô mblang:  Y-Khem Niê