VOV4.Êđê - Truh kơ ară anei, hnơ̆ng prăk brei lĭng čan duh bi liê mbĭt mơ̆ng čar Lâm Đồng dưi mâo truh kơ êbeh 1.167 êklai prăk, mâo giăm 22% mkă hŏng hră kčah. Mkă hŏng wưng anei thŭn leh êgao trŭn hlăm ƀrô 0,3%. Boh phŭn kơ bruă brei čan duh bi liê êmưt jing mâo klei kpăk êgun hlăm hră mơar, anôk mkŏ mkra lehanăn mơ̆ng klei amâo hmar mơ̆ng dŭm čô khua duh bi liê, dŭm anôk bruă mkŏ mkra. Čiăng đru hlăm bruă mđĭ kyar bruă duh mkra, bruă sang čư̆ êa čar Lâm Đồng mtă kơ dŭm knơ̆ng, dhar, alŭ wăl lŏ ngă dŭm hdră êlan duh bi liê mơ̆ng ênoh prăk hlăm thŭn 2021. Mbĭt hŏng anăn srăng ba mđuê̆ ênoh prăk duh bi liê mơ̆ng dŭm klei mkŏ mkra amâo djăp hnơ̆ng prăk brei čan truh kơ hruê 30/06/2021 êbeh kơ 50% mkă hŏng ênoh prăk čuăn kơ klei mkŏ mkra amâo dah mâo djăp 30% mkă hŏng ênoh prăk čuăn kơ dŭm klei mkŏ mkra mrâo nao kơ dŭm anôk mkŏ mkra mâo hnơ̆ng prăk brei čan lu hĭn. Lehanăn truh kơ hruê 30/09/2021, mâo srăng dăp hdră êlan prăk duh bi liê kơ thŭn êdei kơ dŭm anôk mkŏ mkra mâo bruă ngă amâo djăp kơ êbeh 30% mkă hŏng ênoh prăk čuăn. Dưi thâo, thŭn 2021 čar Lâm Đồng dưi jao kluôm ênŭm prăk duh bi liê mbĭt truh kơ êbeh 5.245 êklai prăk.

Y Khem pô mblang