VOV4.Êđê -  Khua bruă Đảng čar Lâm Đồng Trần Đức Quận gĭt gai leh Klei bi kƀĭn bruă Đảng car tal XI brei klei blŭ kơ bruă hluê ngă bruă knuă druh mgơ̆ng ngă Pô bi ala Quốc hội gưl 15 lehanăn Pô bi ala Hội đồng nhân dân čar wưng thŭn 2021 – 2026 lehanăn dŭm bruă yuôm bhăn mkăn.

Ti anôk bi kƀĭn tal anei, Anôk bruă Đảng čar brei leh klei blŭ djŏ tuôm kơ dŭm bruă phŭn mâo: Bruă knuă druh mgơ̆ng ngă Pô bi ala Quốc hội gưl 15 lehanăn Pô bi ala Hội đồng nhân dân čar wưng thŭn 2021 – 2026 hluê si Hdră mtrŭn mrô 09 mơ̆ng Dharr bruă gĭt gai Quốc hội – Knŭk kna – Dharr bruă Mặt trận čar kwar gưl dlông Việt Nam; hdră duh bi liê kdrêč êlan êran pral Tân Phú - Bảo Lộc; Ba jao ênoh kčah čuăn kơ dŭm mta bruă, kdrêč bruă ti alŭ wăl čar; Hdră pla ana makka ti kdriêk Dam Rông lehanăn bruă mkŏ dăp, bi kruh gưl nah gŭ hluê si klei kčah mtrŭn mơ̆ng gưl dlông./.

H Nêč pô mblang