VOV4.Êđê- Hruê 14/5, bruă sang čư̆ êa čar Lâm Đồng ba mdah leh hră mơar mtrŭn srăng lŏ mđĭ hĭn dŭm hdră êlan gang mkhư̆ klei ruă tưp Covid-19. Hlăm anăn srăng mdei dŭm bruă ngă mjuăt asei mlei, hlăp mbul. Tui hluê anăn, mơ̆ng 12 mmông mmăt hruê 14/5, čar Lâm Đồng srăng mdei lu bruă amâo jăk čiăng. Dŭm bruă hlăm klei hlăp lêñ, hlăp mbuh mâo lu mnuih hlăm dŭm tač hlăm lêñ, ênao êa, war mnga hlăm čar srăng mâo klei brei mdei truh kơ lŏ mâo klei hâo hưn mrâo.

Truh kơ ară anei, čar Lâm Đồng ka mâo ôh mnuih mâo klei ruă tưp Covid-19. Khădah, ti anăp klei dưl dleh ksiêm dlăng mơ̆ng klei ruă tưp, bruă sang čư̆ êa čar mtă kơ dŭm anôk bruă, knơ̆ng, dhar bruă, êpul êya lehanăn bruă sang čư̆ êa dŭm kdriêk, ƀuôn prŏng srăng tui ngă djŏ klei gĭt gai mơ̆ng gưl dlông, êpul khua kiă kriê bruă Đảng čar lehanăn bruă sang čư̆ êa čar kơ dŭm hdră êlan gang mhkư̆ klei ruă tưp Covid-19.

Pô mblang: Y-Khem Niê