VOV4.Êđê- Hruê 3/5, anôk bruă sang čư̆ êa čar Lâm Đồng mtrŭn leh hră m’ar mjêč kơ bruă mdei êjai ŭm hdră bruă kñăm hluê ngă kjăp hdră msir gang mkhư̆, mdrơ̆ng hŏng klei ruă Covid 19. Hluê anăn, mơ̆ng 7h mmăt hruê 3/5, dŭm hdră bruă amâo čiăng mjêč msĕ si bar, karaoke, anôk kdŏ mmuñ, anôk hlăp lêñ điện tử arưp srăng bluh mâo klei ruă Covid 19 ti alŭ wăl čar Lâm Đồng mdei hdră ngă bruă êjai. Hŏng dŭm anôk bruă mkăn ăt dưi ngă bruă msĕ aguah tlam, Anôk bruă sang čư̆ êa čar Lâm Đồng mtă brei hluê ngă kjăp dŭm hdră msir gang mkhư̆ klei ruă tưp.

Hŏng phung tuê hiu čhưn ênguê, anôk bruă sang čư̆ êa čar Lâm Đồng mtă kơ Anôk bruă kahan ksiêm čar gĭt gai, bi hgŭm hŏng êpul êya djŏ tuôm mđĭ hdră ksiêm dlăng, thâo klă ênoh tuê hiu čhưn hriê kơ alŭ wăl, dôk đih đăm, mdei săn mbĭt anăn pral hmao ƀuh mnuih tuôm bi tuôm hŏng pô ruă Covid 19 kñăm mâo hdră bi ktlah djŏ si klei kčah mtrŭn./.

                                                    Pô mblang: H’Nêč Êñuôl