VOV4.Êđê- Hrue mbrue (14/5) knơ̆ng bruă sang čư̆ êa čar Lâm Đồng mâo leh hră mtrŭn hyua kjăp dŭm hdră mdrơ̆ng hŏng klei ruă tưp covid 19. Mơ̆ng anăn, mơ̆ng anăn lŏ brei mdei jih jang djăp bruă mjuăt asei mlei msĕ si čưng boh, pah boh, anôk luê, hlăm golf lehanăn êpul hgŭm mjuăt asei mlei mkăn. Mdei jih jang klei hlăp mbul ti dŭm wăl tač, hang ênao, war mnga mơ̆ng 12h hrue mbrue (14/5) mơ̆ng êla lŏ mâo klei hưn mrâo. Knơ̆ng bruă sang čư̆ êa čar Lâm Đồng mtă kơ jih jang knơ̆ng dhar bruă êpul êya, lehanăn knơ̆ng bruă sang čư̆ êa dŭm kdriêk, ƀuôn prŏng lŏ ngă klei gưl dlông gĭt gai, êpul bruă Đảng čar lehanăn knơ̆ng bruă sang čư̆ êa čar gĭt gai kơ hdra gang mkhư̆ klei ruă tưp covid 19./.

Pô mblang: Y-Khem Niê