VOV4.Êđê -  Ƀri gưl bi hdơr 46 thŭn mtlaih êngiê kwar Dhŭng, hluh lir lăn čar (30/4/1975 - 30/4/2021), aguah 29-4, Bruă Đảng čar, HĐND, Knơ̆ng bruă sang čư̆ êa, Knơ̆ng bruă mặt trận čar kwar Việt Nam čar Lâm Đồng kdrưh k’ăm mkŏ mjing knăm bi hdơr kơ phung jhŏng ktang êngiă asei ti Wăl msat phung êngiă asei ƀuôn prŏng Đà Lạt.  

Hlăm ai êwa bi mpŭ, dŭm kwang mnga mtah siam mâo boh hră “ Hdơr nanao kơ klei myơr phung êngiă asei” leh anăn dŭm aruăt brui mngưi mâo phung bi ala čuh hlăm Knưnh bi hdơr leh anăn mnĭt mmông bi hdơr hŏng klei mpŭ čiăng bi hdơr kơ phung jhŏng ktang, êngiă asei săn leh asei hlăm dua klei bi blah yuôm bhăn mơ̆ng djuê ana hŏng klei mpŭ leh anăn ai tiê hdơr knga êlam mơ̆ng bruă Đảng, bruă sang čư̆ êa leh anăn yang ƀuôn čar Lâm Đồng hŏng phung jhŏng ktang, săn asei, phung amâo hơưi klei hdĭp čiăng răng ,gang klei êngiê kơ djuê ana, klei mơak kơ yang ƀuôn. Leh kơ năn knăm myơr mnga leh knăm čuh brui mngưi ti Knưng bi hdơr, phung khau gĭt gai čar leh anăn phung bi ala čuh leh brui mngưi kơ grăp boh msat kơ phung jhŏng ktang.

H Zawut pô mblang