VOV4.Êđê - Aguah mbrue (23/4), ti ƀuôn prŏng Đà Lạt, knơ̆ng bruă sang čư̆ êa čar Lâm Đồng hgŭm hŏng Êpul grŭp Novaland lehanăn dŭm êpul êya hrăm mbĭt mkŏ mjing klei mtrŭt mjhar pla truh 50 êklăk phŭn kyâo mtah hlăm čar Lâm Đồng wưng thŭn 2021 – 2025. Blŭ pŏk klei mtrŭt mjhar anei, Trần văn Hiệp, k’iăng khua bruă Đảng čar, khua knơ̆ng bruă sang čư̆ êa čar Lâm Đồng brei thâo: Bruă pla kyâo, răng mgang wăl hdĭp mda, lehanăn mjut mjing anak mnuih jing sa bruă čuăn yuôm bhăn hlăm klei rŭ mdơ̆ng lehanăn răng mgang lehanăn mđĭ kyar ala čar. Sa ai hŏng hdră êlan pla truh 1 êklai phŭn kyâo mtah mơ̆ng khua knŭk kna mtrŭn hlăm hdră êlan Tết pla kyâo, lehanăn mđĭ hĭng bruă răng mgang, mđĭ kyar dliê, čar Lâm Đồng mâo mkŏ mjing, lehanăn mtrŭn leh hdră pla truh 50 êklăk phŭn kyâo mtah wưng thŭn 2021 – 2025 hlăm čar./.

Y Khem pô mblang