VOV4.Êđê - Tlam hruê 17/5, Dhar bruă ruah khua čar Lâm Đồng mkŏ mjing leh Klei bi kƀĭn phung čih klei mrâo čiăng mkăp dŭm klei hâo hưn djŏ tuôm kơ hdră ruah khua lehanăn hdră mplĕ hră mơ̆ng mnuih ƀuôn sang ti dŭm anôk bi ktlah, ksiêm dlăng klei suaih pral kñăm gang mkhư̆ klei ruă Covid 19 ti alŭ wăl. Ară anei, hdră mprăp kơ gưl ruah pô bi ala Quốc hội gưl 15 lehanăn HĐND dŭm gưl mơ̆ng čar Lâm Đồng dưi ngă ênŭm leh. Hluê si Knơ̆ng bruă mdrao mgŭn čar Lâm Đồng, ară anei ka mâo mnuih ruă Covid 19 ôh hlăm čar. Kluôm čar dôk hluê ngă hdră bi ktlah hŏng 588 čô mnuih, hlăm anăn bi ktlah 16 čô ti anôk bruă mdrao mgŭn, 338 čô ti anôk bi ktlah mklin sa anôk lehanăn 234 čô dưi bi ktlah ti sang. Čiăng rơ̆ng kơ hdră gang mkhư̆ klei ruă Covid 19, gang mkhư̆ klei bi mtưp klei ruă hlăm gưl mplĕ hră, phung anei srăng dưi mplĕ hră ti anôk bi kltah mtam./.

H Nêč pô mblang