VOV4.Êđê- Čar Lâm Đồng mkŏ mjing leh Klei bi kƀĭn trực tuyến ksiêm wĭt hdră mdrơ̆ng hŏng klei yan adiê ngă lehanăn tui duah mnuih mâo klei truh thŭn 2020 mbĭt anăn pŏk ngă bruă klam hlăm thŭn 2021. Hlăm thŭn 2020, khădah klei truh mơ̆ng yan adiê ngă amâo lu ƀiădah kluôm čar luič liê truh êbeh 100 êklai prăk. Klei adiê không kƀah êa ăt ngă hlăm brô 1.300 ha mnơ̆ng pla ti dŭm alŭ wăl hlăm čar kƀah êa. Thŭn 2020, čar Lâm Đồng ieue mkrum leh phŭn mkăp prăk, keh mdrơ̆ng hŏng klei yan adiê ngă lehanăn klei đru mơ̆ng gưl dlông kñăm msir mghaih klei truh juă jhat mơ̆ng yan adiê ngă. Klă klơ̆ng, knŏng êbeh 72 êklai prăk čiăng msir mghaih 13 hdră bruă jhat rai kyua yan adiê ngă, bi liê 6 êklai prăk đru kơ alŭ wăl msir mghaih klei truh mơ̆ng yan adiê ngă. Ti anôk bi kƀĭn mơ̆ng dŭm knơ̆ng, dhar bruă lehanăn alŭ wăl kƀĭn kơ bruă hưn mdah klei êdu kƀah, gun kpăk ăt msĕ mơh ba mdah dŭm hdră msir kñăm pŏk ngă jăk hĭn hdră mdrơ̆ng hŏng klei yan adiê ngă lehanăn tui duah mnuih mâo klei truh hlăm thŭn 2021./.

Pô mblang: H’Nêč Êñuôl