VOV4.Êđê- Hrue 20/5, êpul lĭng kahan knông lăn dưi hmao mă kơ̆ng 30 găn knông lăn soh hŏng hdră bhiăn, tŭ drông 55 čô mnuih hlăm dŭm anôk knông lăn Lạng Sơn, Cao Bằng, Thanh Hóa, Tây Ninh, Đồng Tháp, An Giang. Ti anăp klei dleh ksiêm dlăng mơ̆ng klei ruă tưp Covid-19 hlăm ala čar, êjai anăn klei găn knông lăn soh hŏng hdră bhiăn ăt ka mâo klei hrŏ, Thiếu tướng Hoàng Hữu Chiến, k’iăng khua kčĕ bruă hlăm êpul lĭng kahan knông lăn gĭt gai kơ êpul lĭng kahan knông lăn mđĭ bruă hâo hưn, mtrŭt mjhar kơ mnuih ƀuôn sang alŭ wăl knông lăn, amâo dưi đru, mdăp, ba mnuih găn knông lăn soh hŏng hdră bhiăn. Hlăm dŭm anôk gak ti băng jang knông lăn, dŭm êpul êya kñăm hlăm dŭm anôk phŭn hĭn, dleh ksiêm dlăng, boh nĭk ti tuê êlan knông lăn Việt Nam - Trung Quốc lehanăn Việt Nam - Campuchia.

Pô mblang: Y-Khem Niê