VOV4.Êđê-  Tlam hruê 29-3, ti sang Quốc Hội, Dhar bruă gĭt gai Quốc hội mkŏ mjing Knăm mđup brei Medai bi hdơr bruă ngă Quốc hôị kơ phung bi ala Quốc hội gưl XIV. Khua Quốc hội Nguyễn Thị Kim Ngân gĭt gai mmông bi kƀĭn. Blŭ hrăm hlăm anôk bi kƀĭn, Khua Quốc hội Nguyễn Thị Kim Ngân brei thâo, anei jing mmông čiăng mpŭ, čih yap, bi mni kơ dŭm klei đru mguôp jăk tŭ dưn mơ̆ng phung bi ala Quốc hội hŏng dŭm bruă ngă mơ̆ng Quốc hội hlăm wưng êgao ăt msĕ mơh dŭm wưng kơ anăp, đru mguôp lŏ čuê êlan 75 thŭn mkŏ mjing leh anăn mđĭ kyar mơ̆ng Quốc hội Việt Nam.

 Hlăm anôk bi kƀĭn, Trần Văn Túy, Khua Anôk bruă phung bi ala (Khua hlăm Dhar bruă gĭt gai Quốc Hội) hưn mdah leh Hdră mtrŭn mơ̆ng Dhar bruă Quốc hội kơ bruă mđup brei medai bi hdơr ngă bruă Quốc hội Việt Nam kơ 472 cô bi ala Quốc hội gưl XIV.

Pô mblang: H’Zawut Ƀuôn Yă