VOV4.Êđê- Ti anôk bi kƀĭn pŏk ngă Klei mklă mtrŭn mơ̆ng Khua knŭk kna bi mklă ‘’Hdră mđĭ hĭn klei thâo mơ̆ng anôk kriê dlăng hdră bruă mdrao mgŭn mnơ̆ng rông dŭm gưl wưng thŭn 2021 – 2030”, pia klah čŭn jing Hdră bruă mdrao mgŭn mnơ̆ng rông mkŏ mjing aguah hruê 15/4 ti Hà Nội, phung bi ala tŭ ư bi mklă, brei hnưm bi leh hră m’ar lehanăn mđĭ klei thâo hlăm bruă mdrao mgŭn mnơ̆ng rông dŭm gưl čiăng mđĭ klei thâo gang mkhư̆ tŭ dưn hŏng dŭm mta klei ruă kreh mâo ti mnơ̆ng rông. Ti anôk bi kƀĭn, phung bi ala tŭ ư hŏng bruă lŏ dơ̆ng mđĭ hĭn klei thâo hlăm bruă mdrao mgŭn mnơ̆ng rông dŭm gưl čiăng bi leh jăk bruă klam ƀrư̆ hruê ƀrư̆ lu hĭn lehanăn dŭm klei lông dlăng, klei kpĭ ƀrư̆ hruê ƀrư̆ đi hĭn, boh nik brei gang mkhư̆, ksiêm dlăng kjăp dŭm klei ruă huĭ hyưt kreh mâo ti mnơ̆ng rông, klei ruă tưp mơ̆ng mnơ̆ng rông kơ mnuih. Hluê anăn, srăng mđĭ klei thâo kriê dlăng, ksiêm dlăng klei ruă tưp ti mnơ̆ng rông, dŭm klei ruă tưp mơ̆ng mnơ̆ng rông kơ mnuih./.

                                                    Pô mblang: H’Nêč Êñuôl