VOV4.Êđê-  Aguah mbrue (2/4), Êpul hgŭm phung sinh viên ƀuôn prŏng Cần Thơ mkŏ mjing leh knăm hưn mdah anôk kăp đru phung hđeh hriăm hră – Sinh viên. ti sang mrô 776 – êlan 30/4 ƀuôn hgŭm Hưng Lợi, quận Ninh Kiều- ƀuôn prŏng Cần Thơ, jing anôk pioh kơ phung sinh viên bi mjĕ êrô, hriăm êmuh, ksiêm duah klei kreh knhâo, dưn yua klei thâo săng hlăm ala čar lehanăn mơ̆ng ala tač êngao, mkŏ mjing djăp bruă bi đru, hưn mthâo bruă knuă mă, bi êdah ênoh dŭm anôk bruă duh mkra čiăng kơ mnuih, kčĕ kơ hđeh nao hriăm bruă ti ala tač êngao lehanăn mđĭ klei thâo raih kơ bruă, klei thâo ñŭ kma hŏng ala tač êngao, mđĭ klei thâo dôk dơ̆ng ƀơ̆ng huă, mjuăt bi hriăm knhuah hdĭp... Ti anôk mkŏ mjing anei, anôk bruă anei mâo leh klei kuôl kă, lehanăn tŭ mă klei đru mơ̆ng phung duh mkra, mâo dŭm knơ̆ng bruă iêu jum 4 čô nao ngă bruă hŏng tač êngao hŏng ênoh truh 8 êbâo dolar, lehanăn 200 account hrăm klei Angle mơ̆ng App hŏng ênoh 40 êklăk prăk./.

Pô mblang: Y-Khem Niê