VOV4.Êđê- Aguah mbrue (15/4), ti čar ninh Thuận, Phŭn bruă lŏ hma mkŏ mjing leh klei bi kƀĭn ksiêm wĭt bruă pla mjing yan puih mnga leh êgao, trŭn ngă bruă kơ yan hjan anei, jing yan pla mjing phŭn hlăm dŭm čar ktue hang ksĭ kwar krah, lehanăn Lăn Dap Kngư.Tui si hdră yan hjan thŭn anei, kluôm alŭ wăl mâo êbeh 180 êbâo ha, đĭ truh 20 êbâo ha, mkă hŏng yan hjan thŭn dih boh mnga mâo kah knar êbeh 6 ton 1/ha, đĭ 490kg/ha ênoh mdiê dưi mâo jih jang truh 1 êbâo 116 êbâo ton, đĭ 132 êbâo tôn mkă hŏng yan hjan thŭn dih. lê Quốc Doanh, k’iăng khua phŭn bruă lŏ hma lač: Hlăm dŭm krĭng lehanăn ti anôk amâo mâo djăp ôh êa pioh ngă lŏ, snăn mtă kơ jih jang alŭ wăl mlih pla mnơ̆ng mkăn jing ktơr mnơr êtak êbai. Anei jing hdră mâo ngă leh tŭ jing wưng leh êgao. Kơ mjeh mdiê mtă brei ba yua mjeh mdiê jăk, mdiê ƀâo mngưi, braih jăk. Djăp mta mjeh ƀlĕ hnưm, pioh bi tiŏ êran hŏng êa, lehanăn bi mâo hdră yua êa hŏng klei thâo mkriêm./.

Pô mblang: Y-Khem Niê