VOV4.Êđê- Mphu\n mơ\ng thu\n 2004, mlan 3 grăp thu\n jing Mlan êdam êra mâo Êpul êdam êra gưl dlông ngă truh ho\ng jih jang phung mda asei kluôm ala ho\ng ai tiê “Phung êdam êra ngă bruă kyua êpul êya, yang [uôn kriê dlăng, hriăm mbo\ phung êdam êra”. Mlan êdam êra mphu\n mko\ mjing ]ia\ng kơ phung êdam êra mđ^ ai tiê duh myơr. Ho\ng ai tiê anăn, mơ\ng knhal jih mlan 2 truh ara\ anei, phung mda asei kluôm ala, hlăm anăn ti kr^ng wa\l Lăn Dap Kngư hlăk mâo lu bruă ngă klă s^t kkuh drông klei bi hdơr 90  thu\n mko\ mjing Êpul êdam êra Cộng sản Hồ Chí Minh.

Trĭp 80 yan mnga êlâo, ti Pác Bó, să Trường Hà, kdriêk Hà Quảng, čar Cao Bằng, Awa Hồ wĭt leh kơ lăn čar gĭt gai hdră kgŭ krŭ kdơ̆ng Việt Nam. Hŏng klei tŭ yuôm anăn, să Trưòng Hà mâo leh Anôk bruă Đoàn êdam êra Cộng sản Hồ Chí Minh gưl dlông ruah čiăng pŏk ngă hdră bruă tŭ yuôm kkuh drông Klei tŭ jing mơ̆ng Klei bi kƀĭn phung bi ala kluôm ala čar tal XIII mơ̆ng Đảng lehanăn bi hdơr 90 thŭn Hruê mkŏ mjing bruă Đoàn êdam êra Cộng sản Hồ Chí Minh (26/3/1931-26/3/2021) lehanăn mphŭn pŏk Mlan êdam êra thŭn anei. Bùi Quang Huy, Khua mkăp hlăm Anôk bruă Đảng gưl dlông, Khua bruă êpul bruă êdam êra gưl dlông brei thâo:

“Mlan êdam êra hmei mđing kơ dŭm bruă đru kơ phung êdam êra hlăm hdră mphŭn čô̆ kơ bruă. Hlăm mlan phung êdam êra jing wưng čiăng mđĭ lar ai tiê ba anăp, ai hlăk mơ̆ng phung êdam êra kluôm ala, mbĭt anăn anei lŏ jing wưng čiăng kơ phung knuă druh bruă Đoàn, đru kčĕ iêu mthưr klei mđing dlăng mơ̆ng bruă Đảng dŭm gưl, bruă sang čư̆ êa, mơ̆ng yang ƀuôn hŏng bruă êdam êra. Hluê hŏng anăn, phung êdam êra dưi nao hgŭm ngă dŭm mta bruă, dŭm bruă hlăm hdră mđĭ kyar bruă duh mkra – ala ƀuôn mơ̆ng lăn čar.

Mphu\n ru\ mdơ\ng sang dlông Kim Đồng ti  Cao Bằng

Ƀri gưl anei, bruă Đoàn êdam êra Cộng sản Hồ Chí Minh gưl dlông ba jao leh lu hdră bruă êdam êra ti čar Cao Bằng, msĕ si: Mkŏ mjing hdră mphŭn rŭ mdơ̆ng Sang dhar kreh êpul êya dŭm djuê ana Lô Lô ti kdriêk Bảo Lộc, čar Cao Bằng hŏng ênoh duh bi liê truh 1 êklai prăk, mphŭn ba yua Sang dlăng hră ti să Đức Long, kdriêk Hòa An, mâo ênoh 200 êklăk prăk, lŏ mkra wĭt Sang krum Kim Đồng ti kdriêk Hà Quảng hŏng ênoh truh 230 êklăk prăk…

Mbĭt hŏng kluôm ala, bruă Đoàn čar Dak Lak mkŏ mjing leh Knăm mphŭn pŏk Mlan êdam êra thŭn 2021 hŏng lu bruă ngă tŭ yuôm. Ti knăm mphŭn pŏk, bruă Đoàn čar jao leh 10 boh êdeh wai jơ̆ng kơ phung hđeh ƀun kriăng hriăm, mđup brei 2 hnư đru mphŭn čô| kơ bruă, grăp hnư đru mâo 20 êklăk prăk kơ phung êdam êra mphŭn čô| kơ bruă hŏng gru hmô pla kmŭn tuk hlăm sang ală kĭng. Mkŏ mjing hdră pla kyâo Hdơr knga nanao kơ Awa Hô ti Anôk bruă êdam êra. Dưi tŭ mă hnư prăk đru, Lê Minh Đông, ti kdriêk Êa Hleo, čar Dak Lak lač snei:

“Lač jăk kơ bruă Đoàn čar đru kơ kâo prăk duh kơ hdră mphŭn čô̆ kơ bruă anei. Ară anei kâo dôk mđĭ kyar bruă pla kmŭn tŭk hlăm sang ală kĭng, hŏng ênoh prăk duh bi liê anei kâo srăng ba yua sa kdrêč čiăng mđĭ kyar bruă pla boh tei nan hruê̆ hlăm sang mŭng. Dlăng kluôm hŏng phung êdam êra mphŭn čô̆ kơ bruă, klei kơ prăk duh bi liê dleh dlan êdi kyua anăn mâo prăk đru msĕ snei jing jăk êdi.

Bruă êdam êra ]ar Dak Lak mđup brei prăk mphu\n ]o# kơ bruă kơ phung êdam êra

Hŏng mta phŭn Ktưn hưn knhuah gru bruă Đoàn êdam êra Cộng sản Hồ Chí Minh, hlăm mlan êdam êra thŭn anei, mbĭt hŏng bruă krơ̆ng kjăp êpul êdam êra ba anăp nao hgŭm hlăm hdră gang mkhư̆ klei ruă Covid 19, phung êdam êra čar Dak Lak lŏ pŏk ngă lu hdră bruă mkăn msĕ si: Mđup brei prăk duh bi liê mphŭn čô| kơ bruă kơ phung êdam êra mâo ênoh 300 êklăk prăk, mkŏ mjing hdră đru kčĕ hdră mphŭn čô̆ kơ bruă lehanăn hưn mthâo bruă mă kơ phung êdam êra, bi mjĕ mjuk phung knuă druh bruă Đoàn mơ̆ng dŭm ênuk gưl, hluê ngă dŭm hdră bruă, kdrêč bruă djŏ guôp ti alŭ wăl, nao hgŭm hlăm hdră mđĭ kyar bruă duh mkra, mkŏ mkra krĭng ƀuôn sang…

Ti să Tân Hội, bruă Đoàn kdriêk Đức Trọng, čar Lâm Đồng ăt mkŏ mjing Knăm trŭn kơ bruă mđing truh Mlan êdam êra lehanăn knăm kjuh ba anăp thŭn 2021. Tinei, lu hdră bruă, kdrêč bruă klă sĭt dưi hluê ngă msĕ si: gru hmô ‘’Sang mnia bi hrŏ djah djâo ksu’’, mđup brei mnơ̆ng, hnư prăk đru hriăm hră kơ phung hđeh ƀun kriăng hriăm, mbha 500 pŏk hră mtô mblang kơ hdră gang mkhư\ klei ruă Covid 19 kơ mnuih ƀuôn sang lehanăn Đoàn viên, êdam êra. Bi ti Dak Nông, bruă Đoàn dŭm êpul bruă duh mkra čar bi hgŭm hŏng bruă Đoàn anôk bruă Ksueh Dak Nông – TKV mkŏ mjing leh hdră bruă pla kyâo ‘’Kyua sa sang maĭ mtah’’, hdră iêu mthưr leh phung đoàn viên, êdam êra anôk bruă mđing truh kơ hdră ba pla êbeh 1 êbâo ƀĕ ana kyâo djiêu gah sang maĭ. Dŭm anôk bruă Đoàn hlăm anôk bruă siñê bi mklă leh hdră kriê dlăng anâ kyâo mrâo pla, hluê ngă ƀiă êdi sa hdră bruă mtah, grăp čô đoàn viên pla sa mta ana mjing wăl anôk mtah mda – doh – siam.

Mđing dlăng kơ phung êdam êra lehanăn hdră bruă Mlan êdam êra thŭn anei, Châu Ngọc Tuấn – K’iăng khua bruă Đảng čar Gia Lai mâo leh mmông mă bruă hŏng Anôk kiă kriê bruă Đoàn čar kơ hdră mprăp Mlan êdam êra. Blŭ hrăm ti knăm anei, Châu Ngọc Tuấn mtă: Mbĭt hŏng bruă hluê ngă kjăp mta phŭn, hdră ngă bruă mâo Anôk bruă Đoàn gưl dlông pŏk ngă, bruă Đoàn čar Gia Lai brei bi sĭt jih bruă anăn mguôp hŏng dŭm bruă klam phŭn, mđĭ kyar bruă duh mkra – ala ƀuôn mơ̆ng čar. Hlăm anăn, mđing kơ hdră mtô mblang truh kơ phung đoàn viên, êdam êra lehanăn mnuih ƀuôn sang kơ hdră ruah pô bi ala Quốc hội gưl XV lehanăn HĐND dŭm gưl wưng thŭn 2021-2026; kơ klei đua klam mơ̆ng mnuih ƀuôn sang kơ hdră ruah khua./.

Pô mblang:  H’Nê] Ê`uôl