VOV4.Êđê- Anôk bruă HĐND leh anăn Knơ̆ng bruă sang čư̆ êa čar Gia Lai mkŏ mjing knăm mphŭn ba yua Sang kriê pioh HĐND leh anăn Knơ̆ng bruă sang čư̆ êa cách mạng čar Gia lai (wưng 1968-1975) ti ƀuôn Tăng Lăng (să Krong, kdriêk Kbang).Wăl kriê pioh hƀuê ênu cách mạng jing anôk yuôm bhăn hlăm hbuê ênuk krŭ kdơ̆ng cách mạng ti čar Gia Lai wưng 1955-1975.

Ti nei, dŭm anôk bruă phŭn ti čar kgŭ kdơ̆ng hlăm dŭm thŭn mlan bi blah bi kdơ̆ng hŏng Mi mtlaih êngiê ala čar, hlăm anăn mâo anôk bruă mơ̆ng HĐND cách mạng leh anăn Knơ̆ng bruă sang čư̆ êa cách mạng čar. Leh êbeh 2 mlan pŏk ngă, hdră bruă dưi bi leh hlăm ƀri gưl bi hdơr 46 thŭn Hruê mtlaih êngiê čar Gia Lai (17-3). sang kriê Pioh HĐND cách mạng leh anăn Knơ̆ng bruă sang čư êa čar Gia Lai dưi rŭ mdơ̆ng hlăm ênhă lăn prŏng êbeh 1 ha, hŏng ênoh bi liê giăm 2 êklai prăk mơ̆ng ênoh đru mguôp mơ̆ng dŭm êpul bruă, anôk bruă mnia blei.

Pô mblang: H’Zawut Ƀuôn Yă