VOV4.Êđê - Hruê 12-3, ti să Hoà An, kdriêk Phụng Tiếp, čar Hậu Giang, Knơ̆ng bruă Halcom Việt Nam leh anăn Êpul grup Shizen Energy (Nhật Bản) mkŏ mjing knăm mphŭn ba yua sang mkra mjing pui kmlă êran hŏng pil yang hruê Hậu Giang. Trần Thanh Mẫn – Khua knơ̆ng bruă mặt trận čar kwar Việt Nam nao hlăm knăm anei. Anei jing hdră bruă pui kmlă êran hŏng pil yang hruê tal êlâo dưi mphŭn ba yua, ba pui kmlă hlăm êlan pui kmlă ala čar ti krĭng dap mnai Krông Cửu Long.

Sang pui kmlă êran hŏng pil yang hruê Hậu Giang mâo ênoh duh bi liê 7 êtuh êklai prăk, Prăk hrui wĭt mĭn tĭng mơ̆ng sang mkra mjing hlăm brô 80 êklai prăk/ thŭn. Anei jing hdră bruă sang pui kmlă êran hŏng pil yang hruê tal êlâo ngă bruă ti čar Hậu Giang, đru mguôp ba yua tŭ dưn klei găl klei mngač mơ̆ng yang hruê ti hậu Giang leh anăn djŏ guôp hŏng hdră mđĭ kyar pui kmlă mkra mjing ti Việt Nam hluê si Hdră mtrŭn 55-NQ/TW mơ̆ng Phŭn bruă kđi čar ăt msĕ mơh hdră kčah mbĭt kơ pui kmlă ti čar Hậu Giang.

H Zawut pô mblang