VOV4.Êđê- Aguah hruê 14/4, ti Hà Nội, knăm mơak rang mdah mnơ̆ng dhơ̆ng quốc tế Việt Nam tal 30 (VIETNAM EXPO 2021) mphŭn pŏk. Knăm mơak tal anei iêu jak 320 anôk bruă mnia blei hlăm ala čar leh anăn quốc tế nao hgŭm hưn mthâo mnơ̆ng dhơ̆ng leh anăn bi mkŏ bruă mnia blei. Mkŏ mjing hlăm 4 hruê, mơ̆ng ară anei truh hruê 17-4, Vietnam Expo jing knăm rang mdah quốc tế mphŭn pŏk mơ̆ng thŭn 2021, mâo lu anôk bruă mnia blei ala tač êngao nao hgŭm mơ̆ng dŭm gru hmô knưng mnơ̆ng mơ̆ng kbưi mơ̆ng dŭm ala čar msĕ si: Mi, Nhật Bản, Đức, Nga, Trung Quốc, Hàn Quốc... Knăm rang mdah Vietnam Expo tal 30 mâo akŏ “Vietnam Expo - Hrăm mbĭt hŏng anôk bruă mnia blei hlăm ênuk mrô”. Klei năng mđing mơ̆ng Knăm mơak tal anei jing ba yua gru hmô rang mdah bi mguôp, hŏng hdră knưng mnơ̆ng mdah ti năn mtam mbĭt hŏng knưng mnơ̆ng mơ̆ng kbưi, bi hgŭm mnia blei trực tuyến.

Pô mblang: H’Zawut Ƀuôn Yă