VOV4.Êđê- Anôk bruă Logistics Knŭk kna Lào mrâo kuôl kă ba jao 20% cổ phần mơ̆ng knŭk kna Lao hlăm mta bruă kdrŭn Vũng Áng kơ Anôk bruă mđĭ kyar kdrŭn Vũng Áng Lào -Việt Nam (VDS), amâo klei dưi dưn yua mơ̆ng knŭk kna Lao. Bruă ba jao 20% čổ phần kơ Anôk bruă mđĭ kyar kdrŭn Vũng Áng Lào -Việt Nam srăng mjing klei găl mtrŭt mđĭ pral hdră mkra mđĭ kdrŭn Vũng Áng hlăm wưng tal 1 (2021 – 2023), pŏk mlar kdrŭn ksĭ Vũng Áng 1,2 lehanăn 3 hluê si klei kuôl kă leh plah wah knŭk kna 2 ala čar Lào- Việt Nam, mđĭ hdră dŭ mdiăng mnơ̆ng dhơ̆ng ti kdrŭn ksĭ Vũng Áng hŏng hnơ̆ng mâo mnơ̆ng dhơ̆ng mơ̆ng 3 êklăk truh êbeh 20 êklăk ton hlăm thŭn 2030. Kdrŭn Vũng Áng mâo bruă klam yuôm bhăn hŏng hdră mtrŭn mŏng knŭk kna Lao, hlăm bruă dŭ mdiăng êlan êa lehanăn mđĭ hdră bi hgŭm ti krĭng wăl, mđĭ klei bi mjĕ mjuk, hgŭm bruă jăk siam plah wah Lao lehanăn Việt Nam./.

                                                    Pô mblang: H’Nêč Êñuôl