VOV4.Êđê - Ƀri bi hdơr 45 thŭn Hruê mkŏ mjing Klei bi mjĕ Việt Nam-Ethiopia (1976-2021), Khua phŭn bruă hŏng tač êngao Bùi Thanh Sơn bi trông leh hluê êlan đĭng blŭ hŏng K’iăng khua knŭk kna, Khua phŭn bruă hŏng tač êngao Ethiopia Demeke Mekonnen čiăng bi trông kơ hdră bi hgŭm dua nah lehanăn bi hgŭm hlăm klei bi kƀĭn trông lu tĭng. Ti anôk bi trông, dua tĭng trông čhai leh kơ dŭm hdră msir lehanăn hdră mtrŭt mđĭ klei bi hgŭm plah wah dua ala čar hlăm wưng ti anăp, hlăm anăn mđing kơ hdră bi trông hluê êpul mơ̆ng dŭm gưl hlăk klei ruă Covid 19 dưi ksiêm dlăng kjăp, mđing pŏk mlar hdră bi hgŭm hlăm bruă duh mkra, ksiêm mđing kơ klei bhiăn bi hgŭm bruă ăt msĕ mơh bi leh jar klei bhiăn kñăm mjing klei găl kơ hdră bi hgŭm bruă dua nah. Dua tĭng ăt bi trông kơ dŭm bruă ti krĭng wăl lehanăn tar rŏng lăn hdơ̆ng bi mđing, Khua phŭn bruă Bùi Thanh Sơn mñă klă, Việt Nam sa ai hŏng bruă msir mghaih djăp klei bi kuan mmiă hluê hdră msir êđăp ênang djŏ hdră bhiăn quốc tế, djŏ hŏng Klei bhiăn mơ̆ng Liên hợp quốc./.

H Nêč pô mblang