VOV4.Êđê- Mmăt 21/3, bruă Đoàn gưl dlông TNCS Hồ Chí Minh mâo leh knăm pah mni, mđŭp brei mêdai kơ 10 čô hđeh êdam êra klưn hĭn Việt Nam hlăm thŭn 2020. Anei jing dŭm čô hđeh êdam êra mâo gru hmô klưn hĭn kơ phung hđeh êdam êra ênuk mrâo. Mêdai kơ dŭm čô hđeh êdam êra klưn hĭn mêdai mơ̆ng bruă Đoàn Gưl dlông čiăng mkŏ mjing boh kdrŭt mđĭ lar klei thâo lehanăn mtrŭt mjhar klei bi lông hlăm klei hriăm hră mơar, klei hriăm mkăn, ksiêm duah klei mrâo mrang, mă bruă knuă, klei thâo mkra mjing hlăm êpul hđeh, hyua kjăp lehanăn mđĭ kyar êpul Đoàn, Hội, Đội, Lehanăn iêu jak lu klei truăn mĭn mơ̆ng yang ƀuôn hŏng bruă mtô hriăm êpul hđeh, hđeh êdam êra. Dŭm čô mâo klei pah mni anei jing dŭm čô mâo gru hmô iêu jăk klei truăn mĭn, mâo tur gru jăk kơ yang ƀuôn kyua dŭm klei gĭr mơ̆ng diñu hŏng dum boh tŭ dưn yuôm bhăn. Hlăm 10 čô hđeh êdam êra klưn hĭn dưi mâo klei kñăm mâo klei thâo hlăm lu mta bruă knuă.

Pô mblang: Y-Khem Niê