VOV4.Êđê- Knơ̆ng bruă pui kmlă Dak Nông mrâo mkŏ mjing klei hriăm mjuăt  hâo hưn kơ klei yua pui kmlă mkiêt leh anăn êđăp ênang hlăm sang hră, hŏng akŏ “Hđeh sang hră hŏng klei thâo yua pui kmlă, hdră bruă điện tử mkiêt mkriêm, êđăp ênang” ti sang hră gưl 1 Nguyễn Bá Ngọc (ƀuôn prŏng Gia Nghiã).

 Phung hđeh sang hră hriăm kơ klei yua pui kmlă mkiêt mkriêm

Hlăm mmông hriăm mjuăt, phung hđeh dưi hmư̆, wĭt lač, hưn mthâo klei thâo kơ klei ba yua pui kmlă, mbha klei thâo hâo hưn ba yua pui kmlă mkiêt mkriêm. Phung hđeh ăt êmuh kơ hdră yua dŭm kdrăp điện tử yua gŏ sang pô hlăm klei hdĭp aguah tlam si bĕ ngă čiăng êđăp ênang, mkiêt mkriêm, wưng ba yua lu hĭn hlăm hruê kơ klei ba yua pui kmlă…

PC Dak Nông mđup brei 30 êklăk prăk kơ Sang hră gưl 1 Nguyễn Bá Ngọc

Ƀri gưl anei, Knơ̆ng bruă pui kmlă Dak Nông mđup brei leh 30 êklăk prăk kơ sang hră Nguyễn Bá Ngọc čiăng ktir kbăng êa pioh kơ bruă mtô leh anăn hriăm. Hluê si hdră kčah, hlăm mlan 4, 5 thŭn 2021, PC Dak Nông srăng bi hgŭm hŏng Knơ̆ng bruă sang hră mtô bi hriăm čar Dak Nông mkŏ mjing thiăm lu hdră bruă hŏng tač êngao ba yua pui kmlă mkiêt mkriêm leh anăn êđăp ênang ti dŭm boh sang hră ti čar.

Pô mblang: H’Zawut Ƀuôn Yă