VOV4.Êđê- Knăm kjuh, 23-5 kơ anăp, phung bi ala ti čar Dak Nông srăng ngă klei dưi ruah khua ti 680 anôk mplĕ hră. Ngă hlăm bruă yuôm bhăn anei, Knơ̆ng brua wpui kmlă Dak Nông mkŏ mjing leh lu hdră msir rơ̆ng mkăp pui kmlă hơĭt kjăp, nanao, êđăp ênang êlâo, hlăm leh anăn êdei hruê ruah khua.

Masin mkăp pui kmlă PC Dak Nông

Jing čar mâo knông lăn hŏng ênhă prŏng, êkan pui kmlă dôk hlăm wăl êlan klông čư̆ čhiăng dleh dlan, khăsnăn, dŭm anôk bruă pui kmkă Dak Nông mkŏ mjing leh bruă ksiêm dlăng hruê, mlan, boh nik hlăm dŭm ktuê êlan phŭn. Mbĭt anăn, dŭm êpul mprăp leh djăp ênŭm kdrăp gang mkhư̆ leh anăn kdrăp mnơ̆ng êđăp ênang, srăng msir mgaih pral tơdah mâo klei truh amâo jăk kơ pui kmlă.

Ksiêm dlăng phŭn mkăp pui kmlă kŏ anôk ruah khua ti să knông lăn Quảng Trực, Tuy Đức

Dŭm anôk bruă ăt dăp êpul gak răng, masin mkăp pui kmlă ti dŭm anôk mplĕ hră. Hŏng klei mprăp jăk, pui kmlă Dak Nông đaŏ knang srăng rơ̆ng mkăp djăp pui kmlă, đru mguôp hlăm klei tŭ jing hruê ruah khua ala čar.

Pô mblang: H’Zawut Ƀuôn Yă