VOV4.Êđê - Aguah mbrue (13/5), ti Hà Nội, Dhar bruă đru čung ba mnuih ƀuôn sang gưl dlông mkŏ mjing leh knăm bi êdah klei mklă mklơ̆ng mơ̆ng Phŭn bruă kđi čar kơ bruă tiŏ nao, mbha bruă păn ngă jing k’iăng khua Dhar bruă đru čung ba mnuih ƀuôn sang gưl dlông. Ti anôk bi kƀĭn, K’iăng khua Êpul bru mkŏ mjing Gưl dlông Hà Ban bi êdah hră mklă mklơ̆ng mơ̆ng Phŭnbruă kđi čar kơ klei tiŏ nao, jao păn bruă jing k’iăng khua Dhar bruă đru čung ba mnuih ƀuôn sang gưl dlông. Tui si klei bi klă anei, Khua hlăm Êpul kiă kriê bruă Đảng gưl dlông Phạm Tất Thắng mdei ngă k’iăng khua Adŭ bruă Dhar kreh, mjuăt bi hriăm, hlăk ai hđeh êlăk lehanăn hđeh điêt mơ̆ng Quốc hội gưl 14, pioh lŏ păn ngă k’iăng khua Dhar bruă đru čung ba mnuih ƀuôn sang gưl dlông. Blŭ hrăm ti mmông đĭ păn bruă, Phạm Tất Thắng lač srăng lŏ dơ̆ng gĭr jih ai tiê mđĭ bruă klam kđi čar, gĭr mjuăt hriăm, krơ̆ng kjăp knhuah dôk dơ̆ng ƀơ̆ng huă ênuah, ktư̆n bi leh jăk bruă kčah jao hlăm Dhar bruă đru čung ba mnuih ƀuôn sang lehanăn bruă mtrŭt mjhar mơ̆ng Đảng./.

Y Khem pô mblang