VOV4.Êđê- Aguah hruê 11/3. Phŭn bruă hŏng tač êngao mkŏ mjing leh Klei bi kƀĭn čiăng hưn mthâo pô mgơ̆ng ruah ngă Pô bi ala Quốc hội gưl 15 hluê si hdră êlan mơ̆ng Phŭn bruă kđi čar lehanăn klei kčah mtrŭn, ktrâo lač mơ̆ng dŭm anôk bruă djŏ tuôm. Nao ti anôk bi kƀĭn mâo Phạm Bình Minh, Khua hlăm Phŭn bruă kđi čar, Khua anôk bruă knuă druh mơ̆ng Đảng, K’iăng khua knŭk kna, Khua phŭn bruă hŏng tač êngao. Hluê ngă hdră êlan mơ̆ng Phŭn bruă kđi čar, hluê hŏng hnơ̆ng čuăn mơ̆ng phung bi ala Quốc hội lehanăn hluê hŏng klei bi mklă kơ knhuah hdĭp, klei thâo, k’hưm mơ̆ng knuă druh, Klei bi kƀĭn tŭ ư hưn mthâo 2 čô mgơ̆ng ruah ngă pô bi ala Quốc hội gưl 15 hŏng ênoh sa ai 100% mâo: Đồng chí Bùi Thanh Sơn, Khua hlăm Anôk bruă Đảng gưl dlông, pô bi ala Quốc hội gưl 14, K’iăng khua anôk bruă knuă druh mơ̆ng Đảng, K’iăng khua Phŭn bruă hŏng tač êngao lehanăn đồng chí Lê Hoài Trung, Khua hlăm Anôk bruă Đảng gưl dlông, Khua hlăm anôk bruă knuă druh mơ̆ng Đảng, K’iăng khua phŭn bruă hŏng tač êngao./.

Pô mblang:  H’Nê] Ê`uôl