VOV4.Êđê- Leh mâo dŭm čô mnuih jih wưng bi ktlah 14 hruê êdei kơnăn lŏ djŏ kman Sar CoV2, ngă tưp lar klei ruă anei, Phŭn bruă mdrao mgŭn bi mklă lŏ bi tai wưng bi ktlah ti dŭm anôk bi ktlah mklin sa anôk. Anei jing Hră mtrŭn mjêč mâo leh Knơ̆ng bruă gang mkhư̆ klei ruă tưp ba m’ĭt kơ Anôk bruă ksiêm dlăng klei ruă tưp dŭm čar, ƀuôn prŏng. Hluê anăn, hluê ngă asăp gĭt gai mơ̆ng K’iăng khua knŭk kna, Khua anôk bruă ala čar gĭt gai hdră gang mkhư̆ klei ruă Covid 19, Knơ̆ng bruă gang mkhư̆ klei ruă tưp (Phŭn bruă mdrao mgŭn) mtă kơ dŭm čar, ƀuôn prŏng mdei êjai bruă msir mghaih hdră mjưh tuič lehanăn brei kbiă mơ̆ng anôk bi ktlah hŏng jih jang mnuih jih leh wưng bi ktlah (jing bi ktlah ênŭm 24 hruê, ksiêm mkă kman 2 blư̆ amâo ƀuh klei ruă). Wưng hluê ngă mơ̆ng 0h hruê 4/5 truh kơ hbĭl mâo klei hưn mthâo mrâo mơ̆ng anôk bruă ala čar gĭt gai hdră gang mkhư̆ klei ruă Covid 19./.

                                                    Pô mblang: H’Nêč Êñuôl