VOV4.Êđê- Gĭt gai klei bi kƀĭn êpul gĭt gai bruă gang mhkư̆ klei ruă tưp Covid-19 ala čar tlam mbruê 21/5 ti sang bruă knŭk kna, k’iăng khua knŭk kna Vũ Đức Đam, khua êpul gĭt gai ala čar bruă gang mkhư̆ klei ruă tưp mnă kơ čar Bắc Giang ksiêm dlăng klă dŭm čô mnuih mă bruă dôk hlăm anôk bi ktlah yang ƀuôn, bi hrŏ truh ti gŭ hĭn čiăng đăm truh klei tưp lar klei ruă hlăm yang ƀuôn. Ară anei mâo 12.000 čô mnuih mă bruă mơ̆ng čar mkăn dôk hlăm anôk bi ktlah ti čar Bắc Giang. Alŭ wăl mkŏ mjing leh dŭm êpul êya čiăng đru kơ klei hdĭp dum čô anei. Bruă mđing hĭn ară anei jing si ngă srăng ngă čiăng đru kơ dŭm knơ̆ng bruă hlăm dŭm êpul group prŏng msĕ si Sam Sung dưi lŏ wĭt mă bruă leh kơ dŭm hruê mmông mdei čiăng gang mkhư̆ klei ruă tưp. K’iăng khua knŭk kna mtă kơ dŭm čar, ƀuôn prŏng ksiêm dlăng dŭm anôk mâo klei ruă mrâo lehanăn dŭm čô mnuih mă bruă wĭt mơ̆ng anôk mâo klei ruă.

Pô mblang: Y-Khem Niê