VOV4.Êđê - Lê Văn Thanh, K’iăng khua phŭn bruă mnuih ngă bruă, kahan êka êkeh lehanăn yang ƀuôn mâo leh mmông mă bruă hŏng Anôk bruă sang čư̆ êa čar Dak Lak kơ bruă ksiêm dlăng hdră mtrŭn, hdră bi hrŏ ƀun, klei kơ bruă mă ti Dak Lak. Wưng thŭn 2016-2020 Dak Lak mkăp giăm 900 êklai prăk kơ Hdră bruă ala čar kñăm bi hr ƀun h’ĭt kjăp.  Hdră anei đru leh kơ Dak Lak duh bi liê kơ anôk bruă nah gŭ, đru mđĭ kyar bruă duh mkra pla mjing, bi lu jơr hdră duh ƀơ̆ng, mđĭ lả gru hmô bi hrŏ ƀuh, hluê ngă hdră brei čan prăk hŏng ênoh prăk mnga hdjul čiăng mđĭ kyar bruă duh mkra, đru kơ hdră mtô bi hriăm, bruă mdrao mgŭn, bi mdoh wăl hdĭp mda, klei kơ sang dôk…

Hlăm 5 thŭn êgao, giăm252 êbâo gŏ êsei ƀun lehanăn phung knŭk kna dlăng ba dưi čan prăk ti knơ̆ng prăk hŏng ênoh giăm 7 êbâo êklai prăk. Lê Văn Thanh, K’iăng khua phŭn bruă mnuih ngă bruă, kahan êka êkeh lehanăn yang ƀuôn bi mni dŭm klei gĭr ktưn hlăm hdră bi hrŏ ƀuh lehanăn msir mghaih bruă mă kơ mnuih ngă bruă ti Dak Lak, khă snăn, čiăng kơ hdră bi hrŏ ƀun dưi kjăp, Dak Lak brei mprăp hdră ngă bruă klă klơ̆ng lehanăn phung khua kiă kriê grăp alŭ wăl brei mâo klei đua klam. Mbĭt ânn, brei pŏk ngă gru hmô đru kơ mnuih ƀuôn sang nao hgŭm hlăm bruă pla mjing, ksiêm dlăng êpul mnuih mă bruă čiăng mâo hdră mjuăt bi hriăm, hdră đru duah bruă djŏ guôp./.

H Nêč pô mblang