VOV4.Êđê - Bi hdơr 131 thŭn hrue kkiêng kơ khua gĭt gai Hồ Chí Minh (19/5), aguah mbrue (18/5), Êpul bi ala kiă kriê bruă Đảng gưl dlông, Khua lăn čar, Quốc hội, knŭk kna, dhar bruă mặt trận gưl dlông Việt Nam nao dưm leh kwang mnga, čuă msat khua gĭt gai Hồ Chí Minh. Kwang mnga mơ̆ng êpul mâo boh hră čih: “Hdơr nanao kơ khua gĭt gai Hồ Chí Minh kdrăm k’ah”.

Êpul khua bi al bi êdah ai tiê thâo hdơr knga, hlăm klei mpŭ bi hdơr kơ bruă prŏng prĭn Khua gĭt gai Hồ Chí Minh, jing khua kiă kriê prŏng, jing nai mtô bŏ hŏng klei khăp kơ Đảng lehanăn djuê ana drei. Jing mnuih săn leh asei mlei tơl jih klei hdĭp pô kơ bruă bi blah sua mă klei êngiê kơ djuê ana, bi hluh lir lăn čar, rŭ mdơ̆ng lăn čar Việt Nam hnŭk êngiê sa anăn. Leh kơ anăn, Êpul nao dưm kwang mnga, čuh brui mngưi bi hdơr kơ phung djiê êngiă ti Knưng bi hdơr kơ phung jhŏng ktang săn leh asei mlei ti êlan Bắc Sơn. Hlăm ai êwa kdrăm k’ah anăn, phung khua kiă kriê bi hdơr kơ phung jing anak kdlưn hĭn kơ djuê ana amâo mâo hơưi kơ klang êrah pô, bi blah săn leh asei mlei djiê êngiă kyua klei hnŭk êngiê kơ djuê ana, kyua klei êngiê kơ lăn čar, kyua klei jăk yâo kơ jih jang mnuih./.

Y Khem pô mblang