VOV4.Êđê- Aguah mbrue (23/3) ti anôk bi kƀĭn ala čar Mỹ Đình Hà Nội Êpul khua kiă kriê bruă êdam êra gưl dlông mkŏ mjing leh kdrăm kơah klei bi hdơr 90 thŭn hrue mkŏ mjing bruă êdam êra Cộng sản Hồ Chí Minh (26/3/1931 – 26/3/2021) lehanăn drông mă medai Hồ Chí Minh. Khua gĭt gai Đảng, khua lăn čar Nguyễn Phú Trọng nao lehanăn mâo klei blŭ hrăm ti anôk bi kƀĭn. Lŏ wĭt bi hdơr 90 thŭn rŭ mdơ̆ng lehanăn mđĭ ktar hlăm bruă cách mạng kdrăm kơah mơ̆ng Đảng, mơ̆ng djuê ana, bruă êdam êra Cộng sản Hồ Chí Minh lehanăn phung mda asei Việt Nam bi êdah nanao ai tiê thâo khăp kơ lăn čar, sa ai, sĭt suôr hŏng klei Đảng kiă kriê, gĭt gai hŏng mta kñăm yuôm bhăn hnŭk êngiê djuê ana, lehanăn yang ƀuôn ngă phŭn.

Êpul êdam êra Cộng sản Hồ Chí Minh năng dư jing êpul mâo klei Đảng đăo knang, jing anôk mjuăt hriăm kơ yang ƀuôn ngă phŭn, mjŭ tmjing mnuih knơ̆ng kơ bruă kđi čar hlăm êdam êra Việt Nam. Blŭ hrămti anôk bi hdơr, Khua gĭt gai Đảng, khua lăn čar mñă, lŏ bi kjăp bruă hâo hưn mtô mblang hlue djŏ hŏng hdră mtrŭn klei bi kƀĭn prŏng Đảng 13, lehanăn dŭm hdră êln prŏng mơ̆ng êdam êra, yap anei jing giê knhâo ktrâo êlan pioh hlue ngă bruă êdam êra, lehanăn bruă hđeh êlăk./.

Pô mblang: Y-Khem Niê